2026 жылдың 15–16 қаңтарында Назарбаев университетінің базасында Қазақстан Республикасы Ғылым және жоғары білім министрлігінің ұйымдастыруымен «Жоғары білім сапасын қамтамасыз ету: жай-күйі мен даму перспективалары» атты республикалық деңгейдегі форум өтті. Аталған іс-шара Қазақстандағы ғылым мен жоғары білім беру жүйесінің қазіргі жай-күйін саралап, оның даму перспективаларын айқындауға арналған кәсіби диалог алаңы ретінде ұйымдастырылды. Форумға еліміздің жоғары оқу орындарының ректорлары, ғылыми-зерттеу институттарының директорлары, мемлекеттік мекеме басшылары, халықаралық сарапшылар және білім сапасын қамтамасыз ету, аккредиттеу саласының мамандары қатысты.

Мұхтар Әуезов атындағы Қазақ ұлттық драма театрының құрылғанына 100 жыл толуына орай 13 қаңтар күні Қазақстан Республикасының Ұлттық кітапханасында «Тұңғыш ұлт театрына 100 жыл: дәстүр, жаңашылдық және көркемдік трансформация» атты халықаралық ғылыми-теориялық конференция өтті. Конференция ұлт театрының ғасырлық тарихын, көркемдік даму жолдарын және театртану ғылымындағы өзекті мәселелерді кешенді түрде қарастыруды мақсат етті. Іс-шара барысында Мұхтар Әуезов атындағы Қазақ ұлттық драма театры директоры Еркін Тілеуқұлұлы Жуасбек конференция қатысушыларына Қазақстан Республикасы Премьер-министрінің орынбасары – Мәдениет және ақпарат министрі Аида Ғалымқызы Балаеваның құттықтау хатын жеткізді. Құттықтау хатта Ұлт театрының қазақ мәдениеті мен рухани кеңістігін қалыптастырудағы тарихи рөлі, ұлттық сахна өнерінің кәсіби деңгейге көтерілуіндегі маңызы және театрдың қазіргі заманғы мәдени үдерістердегі орны жоғары бағаланды.

М.О. Әуезов атындағы Әдебиет және өнер институтының ұйымдастыруымен 12 қаңтар күні «Keruen» журналын халықаралық Scopus, WoS дерекқорларына енгізуге дайындау мақсатында арнайы вебинар өтті. Талқылау барысында гуманитарлық бағыттағы ғылыми журналдарға қойылатын Scopus, WoS талаптары, басылымның дербес ғылыми тұжырымдамасын жетілдіру, рецензия сапасын қамтамасыз ету, халықаралық ауқымды кеңейту, басылымның дәйектемелік индексін жоғарылату мәселелері жан-жақты қарастырылды.

Мемлекет басшысының «Түркістан» газетіне берген «Қазақстан жаңғырудың жаңа кезеңіне қадам басты» атты сұхбатында республика халқы үшін өзекті күрделі мәселелерді толық қамтуға тырысыпты. Әрине, көлемді сұхбатта ең әуелі еліміздің әлеуметтік-экономикалық жағдайына байланысты салық реформасы, энергетикалық, коммуналдық сектордағы реформалар, көлік және логистика, ауыл шаруашылығы, туризм бағыттарындағы даму туралы толымды ақпараттар берілуі өте орынды.